TATLONG drug suspect ang napatay nang makipagbarilan sa mga pulis na nagsagawa ng buy-bust operation sa Calaca, Batangas, kagabi.
Napatay ang pakay ng buy-bust na si Paolo Jhonnel Camantigue at ang dalawa niyang kasabwat, ayon sa ulat ng Batangas provincial police.
Isinagawa ng iba-ibang unit ng pulisya ang operasyon sa Sitio Matala, Brgy. Cahil, dakong alas-8:30.
Nakutuban umano ng grupo ni Camantigue na mga pulis ang bibili sa kanila ng P6,200 halaga ng shabu kaya pinaputukan ang mga ito habang palapit sa kanilang Mitsubishi Montero (AAP-4056).
Dahil dito’y gumanti ang mga operatiba, hanggang sa mapatay ang tatlo, ayon sa ulat.
Nakuhaan ang mga napatay na suspek ng tatlong baril at isang granada.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.