Duterte binigyan ng house and lot ang class valedictorian ng PMA at PNPA
INIHAYAG ni Pangulong Duterte na kapwa tatanggap ng house and lot ang class valedictorian ng Philippine Military Academy (PMA) Masidlawin Class of 2020 at Philippine National Police Academy (PNPA) Mandayug Class of 2020 matapos namang pangunahan ang virtual simultaneous commencement exercises ng PMA at PNPA.
Kabilang sa mga tatanggap ng house and lot ay sina 2nd Lieutenant Gemalyn Deocares Sugui, ng Philippine Army at Fire Inspector Lei Anne Banico Palermo ng Bureau of Fire Protection.
“…these are the beneficiaries of the house and lot. So puro babae. Iyong boyfriend na katabi mo, senyasan mo lang na hindi sila puwede pumasok ng bahay na lasing, nagloloko, nagbabae. This will be, sabihin mo, ‘Akin ito. At huwag kang palaboy-laboy diyan,'” sabi ni Duterte sa kanyang talumpati.
Samantala, niregaluhan naman ni Duterte ang kapwa class goat ng PMA at PNPA na sina 2nd Lieutenant Rexllwyn Johanne Olivo Eson, ng Philippine Army; at Police Lieutenant Al Shadat Hassan Abdurajak, ng Philippine National Police.
“Gun Certificate for the Class Goat. Rock Island Armory Cal. 45 pistol with three magazines. Goat, I salute you also,” ayon pa kay Duterte.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.