P19M shabu nasamsam, walo arestado sa drug operation
SHABU BUY BUST
ARESTADO ang walo katao at nasamsam ang P19 milyong halaga ng shabu sa Caloocan City kagabi.
Kinilala ang mga naaresto na sina Arthur Salguero, 49, Rose Cruz, 31, Herchill Resco, Jhon Dale Estorninos, William Tante, 39, Joshua De Andres, 24, Albert Delema, 27, at Ricky Nelson Cruz, 57.
Inilatag ng pulisya ang buy-bust operation laban sa mga suspek alas-7:30 ng gabi sa Blk.6 Lot 49 Gilmar Subdivision Brgy.168 Zone 15 District 1 Deparo.
Nakabili umano ng P50,000 halaga ng shabu ang poseur buyer sa mga suspek.
Umabot umano sa 2.8 kilo ng shabu ang narekober sa mga suspek.
Ang operasyon kagabi ay karugtong ng pagkakaaresto sa isang drug pusher noong Mayo 11 kung saan 70 gramo ng shabu ang narekober.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.