Billy excited nang maging daddy: Nakakataba ng puso ang biyaya ng  Panginoon

BILLY CRAWFORD AT COLEEN GARCIA

SA kabila ng pinagdaraanang problema ng buong mundo dahil sa COVID-19, feeling blessed pa rin sina Billy Crawford at Coleen Garcia.

Ito’y dahil sa tinanggap nilang big blessing kamakailan mula sa langit — ang pagbubuntis nga ni Coleen sa panganay nila ni Billy.

Ibang klaseng kaligayahan daw ang ang nararamdaman nila ngayong mag-asawa dahil sa angel na ibinigay sa kanilang mag-asawa.

“We are five months in na sa pregnancy. Sobrang nakakagaan ng loob at sobrang nakakataba ng puso ang biyaya ng Panginoon sa amin,” pahayag ni Billy sa live episode ng ASAP Natin To kanina via Zoom.

Naniniwala sina Coleen at Billy na sa kabila ng pinagdaraanang krisis ng bansa dulot coronavirus pandemic, marami pa ring blessings ang natatanggap ng bawat isa sa atin, maliit man ito o malaki.

“Kahit gaano kahirap ang pinagdaanan ng mundo ngayon, I am blessed with a little angel in my hands. I am here to love and protect and honor my family. I am so, so happy,” sabi pa ni Billy na kitang-kita sa itsura ang excitement sa pagiging daddy very soon.

Nitong nagdaang weekend, ibinalita nina Coleen at Billy na magiging parents na sila. Ipinost pa ni Coleen ang litrato niya kung saan kitang-kita na ang kanyang baby bump.

“It’s been over 5 months now. And just like that, we’re more than halfway through! We found out earlier this year, but I’ve been pregnant since Dec 2019, and it’s been quite a ride since then! 

“Thank you to the friends who’ve been praying for us and checking in on us! We’re beyond grateful for this huge blessing! God is always so good. Excited for us, Daddyyy,” caption ni Coleen sa kanyang IG post.