Alak na ipinadala sa GrabExpress hindi idineklara ng kustomer
HINDI umano alam ng driver ng Grab na alak ang ipinapa-delivery sa kanya ng isang kustomer.
Sa isang pahayag, sinabi ng GrabExpress na idineklara ng kustomer na grocery items ang ipinadala nito sa selyadong kahon sa GrabExpress delivery-partner na si Ronnie de Leon.
Nang dumaan si de Leon sa quarantine sa Batasan San Mateo Rd., alas-2:30 ng hapon noong Miyerkules ay pinabuksan ang package at doon nakita ang mga alak. May liquor ban na ipinatutupad sa Quezon City.
“We confirm that GrabExpress delivery-partner Ronnie De Leon has been arrested by the Quezon City Police District (QCPD) last April 23 for carrying a parcel containing liquor without his knowledge. Our investigation showed that a customer handed a sealed package to De Leon and declared it as grocery items, only to be revealed as bottles of liquor at the checkpoint,” saad ng pahayag ng GrabExpress.
Kinumpiska ng otoridad ang dalawang bote ng 700ml The Bar Lime Gin, isang bote ng 750ml Embassy Premium Blended Whisky, at isang bote ng 750ml Tanduay Rhum.
“Grab is currently working with QCPD to process the case of De Leon. We are in touch with the customer involved in the incident who has already expressed cooperation to settle his bail. Grab will also provide financial assistance to his family to help them in this time of need.”
Nanawagan ang Grab sa mga kustomer na sumunod sa panuntunan ng Inter Agency Task Force at mga lokal na pamahalaan kaugnay ng liquor ban.
Ang prayoridad umano na mai-deliver sa panahong ito ay mga essential goods at huwag magpadala ng mga ipinagbabawal na bagay.
“All parcels must be properly declared in the app and unsealed for checking. We reserve the right to refuse service and ban violators.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.