Lumabag sa ECQ umabot na sa 130,177; inaresto nasa 30,366

SINABI ni Inter-Agency Task Force (IATF) spokesperson at Cabinet Secretary Karlo Nograles na umabot na sa 130,177 ang mga lumabag sa umiiral na enhanced community quarantine (ECQ) kung saan 30,366 dito ang inaresto.

Idinagdag ni Nograles na bukod dito, iniulat ng Metropolitan Manila Development Authority (MMDA) na umabot naman sa 2,740 driver ng pribadong sasakyan ang hinuli dahil sa paglabag sa social distancing rules.

“Mga kababayan, these are not trivial violations. Napakalaki po ng epekto ng mga paglabag na ito. Every time an individual violates ECQ guidelines, he or she chooses to become a health threat to those who abide by it,” sabi ni Nograles.

Idinagdag ni Nograles na magiging mas mahigpit sa implementasyon ng ECQ sa harap na rin ng patuloy na banta ng coronavirus disease (COVID-19).

“These are measures that are being adopted in order to ensure that the irresponsible behavior of a few does not threaten the welfare of the majority that have followed the ECQ, and the stringent social distancing guidelines enforced by the government,” giit ni Nograles.

Base sa pinakahuling datos, umabot na sa 6,459 ang kaso ng COVID-19 sa bansa kung saab 428 ang nasawi.

“This pandemic has exacted a heavy toll on our country. Lives have been cut short, loved ones have been taken from us. Never in our lifetimes have we faced a public health threat of this magnitude,” ayon pa kay Nograles.