ARESTADO ang pito katao sa magkakahiwalay na operasyon sa Quezon City.
Naaresto ng Batasan Police sa buy-bust operation sina Eugene Iglesia, 18, at Albert Armada, 35, ng Brgy. Payatas alas-7:10 kagabi sa Sampaguita Ext. Area A. Brgy. Payatas. Nakumpiska umano sa kanya ang tatlong gramo ng shabu na nagkakahalaga ng P20,400.
Nahuli rin nila si Jeoffrey Freo, 22, alas-3:30 ng hapon kahapon sa Kagawad Rd., Talanay Area C, Barangay Batasan Hills Nakuhanan umaano siya ng 10 gramo ng marijuana.
Alas-7 kagabi ng maaresto ng Kamuning Police sina Joel Cordova, 42, at Jose Bacsa, 39, sa Quezon Ave. kanto ng Timog Ave. Brgy. South Triangle. Nakuhanan umano sila ng P13,400 halaga ng shabu.
Nahuli rin ng Police Station 10 si Edgardo Fabian, 52, ng Brgy. Pinyahan, alas-10 kagabi sa Area D, NIA Road, Brgy. Pinyahan. Narekober umano sa kanya ang dalawang gramo ng shabu.
Si Mohaldin Salim, 38, ay nahuli naman alas-9:30 ng umaga sa V. Luna Rd., kanto ng East Ave., Brgy. Pinyahan. Narekober umano sa kanya ang P68,000 halaga ng shabu.
Naaresto naman ng District Drug Enforcement Unit si Pete Lester Bernal, 26, sa LTJ Francisco st., Brgy. Krus na Ligas. Narekober umano sa kanya ang 40 gramo ng Kush na nagkakahalaga ng P48,000.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.