UP-PGH, Jose M. Rodriguez Memorial Hospital sa Caloocan ilalaan para sa COVID-19
INIHAYAG ni Health Secretary Francisco Duque III na inaprubahan niya ang eksklusibong paggamit ng isang bahagi ng UP-PGH sa Maynila at Jose M. Rodriguez Memorial Hospital sa Caloocan City para sa mga pasyente ng coronavirus disease 2019 (COVID-19).
Ito’y matapos umapela ang maraming pribadong ospital na gawing “centralize all efforts and resources” laban sa deadly virus.
“Binigyan ko na ng [go-signal] ‘yung plano ng UP-PGH na gawin ‘yung isang gusali na exclusive COVID hospital,” sabi ni Duque sa panayam ng dzMM.
“Ang Department of Health naman, we will also convert yung ating Jose M Rodriguez Memorial Hospital sa Caloocan as a specialized COVID hospital,” dagdag ni Duque.
Sinabi pa ni Duque na plano rin ng gobyerno na gamitin ang Lung Center of the Philippines bilang isang ospital para sa COVID-19.
Idinagdag ni Duque na maglalaan ng 40 isolation rooms para sa mga pasyente ng COVID-19.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.