Darren apektado ng COVID-19; pero lumebel kina Carlo at Arjo

RHEA TAN AT DARREN ESPANTO

Nanghihinayang si Darren Espanto sa napurnadang pagsali niya sa sikat na sikat na reality singing contest ng China, ang The Singer na sinalihan din noong 2018 ni KZ Tandingan.

Hindi na natuloy si Darren sa pagpunta sa China dahil sa coronavirus o COVID-19. Sa media launch ng Kapamilya singer bilang millennial ambassador ng men’s line ng Beautederm Corporation, malungkot na ibinalita ng binata na hindi na siya nakasali sa sa kumpetisyon.

“Not officially announced pero, yun nga po, I can’t talk about it much now. Pero I was supposed to go nga po sa China, and hindi po natuloy dahil sa coronavirus and all the travel ban.

“And I think, it’s safer that way po na hindi muna lumipad. But hopefully, kung maalis yung ban, matuloy po, and we’ll see what happens,” paliwanag ni Darren na unang nakapag-perform sa The Singer noong April, 2019.

“Of course, it’s a bit disappointment po. Pero para sa akin, masaya ako na nakapag-guest ako last year sa show na The Singer and, for me, yung experience na yun was enough para sa akin.

Hopefully ay matuloy nga and ma-bless po tayo. Airing na siya China, and hindi ko po alam kung maihahabol pa po ako sa challenges. So I can’t really say much about it right now,” aniya pa.

Samantala, sa media launch ng Beautederm, inamin ng may-ari nitong si Rhea Tan na big fan siya ni Darren kaya talagang kinarir niya ang pagkuha rito bilang ambassador, “Another dream come true. Since he joined The Voice Kids (Season 1) in 2014, alam ko na na malayo ang mararating ni Darren. And yes he is the youngest Beautederm ambassador. Nadagdagan na naman ang mga anak ko.”

In fairness, parang status symbol na rin ngayon ang pagiging endorser ng kompanya ni Rhea Tan. Big deal na kasi ngayon sa mundo ng showbiz kapag kinuha kang ambassador ng Beautéderm dahil talagang big star ang turing sa kanya kapag binigyan ng presscon.

Ka-level na ngayon ni Darren ang mga sikat na celebrities na sina Marian Rivera, Sylvia Sanchez, Carlo Aquino, Lorna Tolentino, Arjo Atayde, Ejay Falcon at marami pang iba.