‘Crash Landing on You’ star Seo Ji Hye may bagong romance drama
SEO JI HYE
KOREAN word of the day: “So-ri-jil-leo” — sa Ingles ito ay “Make some noise” o “sccream.” Kadalasan itong naririnig sa mga concert sa pagha-hype ng kanilang audience.
* * *
Bibida ang isa sa female lead stars ng hit Korean series na “Crash Landing on You” na si Seo Ji Hye sa upcoming MNC romance drama na “Shall We Eat Dinner Together?” kasama ang magaling na aktor na si
Song Seung Heon.
Base ito sa isang webtoon of the same title na tungkol sa dalawang taong napagod na sa pag-ibig pagkatapos ng matitinding heartbreaks.
Sa pagkain nang sabay, unti-unti muling lalambot ang kani-kanilang mga puso at makakahanap muli ng pagmamahal sa tulong ng pagkain.
Gagampanan ni Ji Hye ang karakter na si Woo Do Hee na manhid na sa pagmamahal pagkatapos ng isang failed dating experience habang si Seung Heon naman si Kim Hae Kyung, isang psychiatrist at food psychologist na pinag-aaralan ang mga tao sa pamamagitan ng panonood sa kanila habang kumakain.
Bukod kina Ji Hye at Seung Heon, makakasama rin nila sa serye si Lee Ji Hoon at ang Apink member na si Son Na Eun.
Inaasahang mapapanood ang “Shall We Eat Dinner Together?” sa Mayo.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.