Kongresista na galing Hong Kong, naka-quarantine
SA pagdinig ng House committee on Metro Manila Development kahapon, sinabi ng chairman nito na Manila Rep. Manny Lopez na si CIBAC Rep. Doming Rivera ay naka-quarantine.
“Isang congressman na nagngangalanga Doming Rivera. Siya po ay kasalukuyang naka-quarantine din po sa Hong Kong and he is representing party-list CIBAC,” ani Lopez.
Pero ayon kay House Secretary General Jose Luis Montales si Rivera ay naka-self quarantine sa kanyang bahay.
“Cong. Rivera is not quarantined in HK. He is in the Philippines. He is perfectly alright. He practiced self-quarantine because he traveled to HK to attend a series of consultative meetings,” ani Montales.
Sa Kamara de Representantes ay naglagay na ng mga no-contact thermometer sa mga daan papasok sa loob ng gusali upang matukoy kung mayroong lagnat ang isang papasok.
Naglagay na rin ng mga alcohol station sa iba’t ibang lugar sa Kamara bilang bahagi ng programa laban sa pagkalat ng coronavirus.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.