2 ‘Dennis’ ng showbiz na nakakulong bumawi sa swerte ng mga anak

IT’S nice to know na sa kabila ng sitwasyong kinapapalooban ng kani-kanilang mga magulang (their fathers in particular) ay malayung-malayo ito sa pinagdaraanang buhay ng mga anak.

For a moment, we can only think of two showbiz fathers na nasadlak na ‘di kagandahang kapalaran pero bumabawi naman in terms of their respective children’s luck (na sa sariling sikap din naman ng mga ito nagmula).

From a distant past, nariyan ang sikat na aktor noon na si Dennis Roldan na isa nang nangangaral na pastor sa loob ng piitan. Dennis was convicted of kidnapping a Filipino-Chinese boy, sa CA decision noong 2014.
As if to overshadow the mess he got himself involved in, pambawi niya ang kanyang mga anak na si Marco Gumabao this side of showbiz at si Michelle na bukod sa mahusay na volleyball player ay naging beauty queen pa.

At para sa mga isinilang na noong dekada nobenta, for sure ay inabot nila si Dennis da Silva, dating miyembro ng That’s Entertainment na nakarelasyon ni Ruffa Gutierrez (her first love nga ba?).

Ibang kaso naman ang kinakaharap ni Dennis na 17 years nang nagbubuno ng kanyang sentensiya dahil sa umano’y panggagahasa sa kanyang menor de edad na stepdaughter. But he claimed there existed a romantic relationship.

Bilang pambawi naman sa kanyang kapalaran, he sires a 19 year-old daughter, si Faith who began as a commercial model. Sumali sa StarStruck noong 2015 at isa na sa mga Kapuso artists ngayon.

Faith gets a contravida part in GMA’s Anak ni Waray vs. Anak ni Biday which premiered last Jan. 27.
Back to her being Dennis’ daughter, noong makulong ang dating aktor ay dalawang taong gulang lang si Faith, in short, there’s no father-daughter relationship to begin with.

All this time na nakakulong si Dennis ay never pang dumalaw si Faith, not even on important family occasions.

While growing up pa nga raw ay ikinahihiya niyang malaman ng tao na anak siya ni Dennis, but all that is gone now. Faith looks forward to seeing her dad who must be proud of her little achievements.

A closer look at Faith makes anyone say that she has got what it takes to be a beauty pageant hopeful. ‘Yun nga lang, Faith needs to wear light makeup para hindi siya nagmumukhang kontrabidang iniluwa ng TV screen.

Here’s a more interesting note.

Nagkakilala’t nagpa-picture pa sila ni Ruffa when they both guested on Dear Uge. Sa simula’y hindi muna nagpakilala si Faith as Dennis’ daughter.

After the shoot, Faith went up to Ruffa, coyly introduced herself and they instantly got comfy-comfy with each other.

At the back of her mind siguro, naiisip ni Ruffa na kung sila ni Dennis ang nagkatuluyan (minus Tita Annabelle Rama’s intervention) ay kasingganda rin ni Faith ang kanilang magiging anak na babae.