DepEd: Papasok na Kinder, Grade 1, 7, 11 pwede na magpalista
SIMULA sa Pebrero 1 ay maaari ng magparehistro ang mga papasok na kindergarten, Grade 1 at 7 at 11 sa School Year 2020-21.
Ayon sa Department of Education magtatagal ang early registration hanggang Marso 6.
Layunin ng early registration na matukoy at makilala ang mga out-of-school youth at hikayatin ang mga ito na bumalik sa pag-aaral.
Ang mga maaaring pumasok na kindergarten ay ang mga bata na limang taong gulang na sa Agosto 31, 2020.
Ang mga tatanggapin namang grade 1 ay ang mga kinder completer o nakapasa sa Philippine Educational Placement Test at anim na taong gulang na sa Agosto 31, 2020 at Grade 1 ready an alinsunod sa Early Childhood Development checklist.
Ang mage-enroll na kinder at grade 1 ay dapat magdala ng Philippine Statistics Authority o National Statistics Authority birth certificate o kaya ay Local Civil Registrar birth certificate, baptismal o barangay certificate.
Makakapagpa-enroll naman sa grade 7 ang mga grade 6 completer, PEPT passer at Accreditation and Equivalency Test passer.
Ang mga grade 10 completers, PEPT passer at A&E secondary passer ay makakapagpa-enroll naman sa grade 11.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.