NILOOBAN ng mga armadong kalalakihan ang isang grocery sa Vigan City, Ilocos Sur, at sinunog pa ang isang sasakyan.
Naganap ang panloloob sa 2 Brothers Grocery sa Brgy. 1, at naiulat sa lokal na pulisya dakong alas-3 ng hapon, ayon sa Ilocos regional police.
Pinasok ng mga armado ang grocery, nagtungo sa main office sa ikatlong palapag, at sinira ang vault doon sa pamamagitan ng acetelyne cutter at steel cutter, ayon sa ulat.
Aabot sa P100,000 cash ang natangay sa vault, at matapos iyo’y sinunog pa ng mga armado ang isang Toyota Hi Ace van (UHP-852) na pinaniniwalaang kanilang ginamit bilang getaway vehicle, ayon sa pulisya.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.