Mr. Palito 2019 rarampa na sa TBATS; Tina Paner ‘mangkukulam’
BOOBAY AT SUPER TEKLA
Tiyak na riot na naman ang mga eksenang mapapanood n’yo sa isa na namang pampa-good vibes episode ng The Boobay And Tekla Show tonight sa GMA 7.
Abangan ang paandar ng singer-actress na si Tina Paner na makikipagsabwatan kina Boobay at Tekla. Magpapanggap siyang mangkukulam para takutin ang bagong kasambahay sa “Pranking in Tandem” segment ng TBATS.
Samantala, siguradong hahagalpak na naman ang buong pamilya at barkada sa isa na namang pasabog na pageant ng TBATS, ang “Mr. Palito 2019.”
Tatlong halos buto’t balat pero cutie na mga guys ang maglalaban-laban sa naturang contest. Sila ay magpapasiklaban sa kanilang funny introduction, casual interview, at ang pinakainaabangang Q&A!
Yan at iba pang makalaglag-pangang laugh trip sa The Boobay And Tekla Show ngayong gabi, pagkatapos ng Kapuso Mo, Jessica Soho sa GMA 7 lang.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.