Maine busog na busog sa pagmamahal ni Arjo; Pinatunayang super in love sa isa’t-isa

SINULIT ni Maine Mendoza ang kanyang pagbabakasyon sa Amerika, lalo na ang pagbisita niya sa isang theme park sa California.

Busog na busog na ang mga mata niya sa magagandang tourist spots doon, feel na feel pa niya ang matinding pagmamahal sa piling ng boyfriend na si Arjo Atayde.

Hindi na nila kailangang aminin pa sa publiko ang kanilang relasyon dahil ayon nga sa isang kasabihan, “action speaks louder than words”, huh! Magbabakasyon ba sila sa ibang bansa dahil feel lang nila? Of course, not! Feeling namin, ito ang kanilang paraan para ibandera at ipagsigawan sa buong mundo kung gaano nila kamahal ang isa’t isa.

Pagkagaling sa States, sasabak na sa bugbugang trabaho si Meng. Bukod sa Eat Bulaga, magsisimula na rin ang promotion para sa 2019 Metro Manila Film Festival movie nila ni Vic Sotto, ang “Mission Unstapabol: The Don Identity” at siyempre tuluy-tuloy pa rin ang taping nila para sa Kapuso sitcom na Daddy’s Gurl at iba pang showbiz commitments.

Anyway, ngayong Sunday na mapapanood ang bagong episode Daig Kayo ng Lola Ko na pagbibidahan ni Maine bilang isang ballerina pero nagiging Christmas ornament dahil sa kasakiman ng kapatid.