ISANG babae ang nasawi at apat pa katao ang nasugatan nang magsalpukan ang isang pickup at kotse sa Laoag City, Ilocos Norte, nitong Linggo.
Dead on arrival sa ospital ang driver ng kotse na si Alexis Maxine Abaloyan, 19, residente ng Brgy. 1 San Lorenzo, ayon sa ulat ng
Ilocos Norte provincial police.
Sugatan ang mga sakay niyang sina Kendrick Molines, 22; John Paul Mandac, 16; at Kyla Shane Blas, 17, pawang mga residente din ng lungsod.
Sugatan din ang driver ng pickup na si Anthony John Mangussad, 20.
Naganap ang insidente dakong alas-4 ng umaga, sa Rizal st., Brgy. 1.
Bumibiyahe pa-timog ang kotse nang makasalpukan ang kasalubong na pickup. Nagsasagawa pa ang pulisya ng karagdagang imbestigasyon sa insidente.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.