Parol maker niregaluhan ni Alden ng rosaryo
ALDEN RICHARDS
Maswerte ang isang parol maker sa Pampanga dahil niregaluhan siya ng rosary bracelet ng Asia’s Multimedia Star na si Alden Richards.
Ito’y kahawig ng laging suot ni Alden kahit saan siya magpunta na itinuturing na niyang gabay at lucky charm.
Ibinigay ito ng binata bilang birthday gift kay Ponciano “Apon” Garcia, na dalawang dekada nang gumagawa ng parol sa kabila ng kanyang kapansanan.
Nabigyan ng pagkakataon si Apon na makabisita sa set ng GMA Telebabad series na The Gift kung saan personal niyang nakilala at nakausap ang paborito niyang aktor na si Alden.
“Si Alden po, nagagalingang ako sa pag-arte niya. Masaya ako na nakita ko si Alden. Hindi po ako nakapagsalita. Nahiya po ako, eh,” nakangiting kuwento ni Apon.
Ang kuwento ni Apon at ang madamdaming pagtatagpo nila ni Alden ay mapapanood sa Tunay Na Buhay ng GMA 7.
Samantala, patuloy na tutukan ang mas tumitindi at umiinit pang mga tagpo sa The Gift mula Lunes hanggang Biyernes sa GMA Telebabad after Beautiful Justice.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.