8-anyos na batang lalaki pinagbabaril ang ama sa Negros Occidental

NAPATAY ng walong-anyos na batang lalaki ang kanyang tatay matapos pagbabarilin sa kanilang bahay sa Sitio Manluy-a, Barangay San Jose, Sipalay City, Negros Occidental, Miyerkules ng gabi.

Nasawi ang 39-anyos na tatay matapos magtamo ng tatlong tama ng bala sa dibdib, ayon sa pulisya.
Bago ang pamamaril, sinaktan ng biktima na nakainom, ang kanyang anak na lalaki sa harap ng dalawa pang kapatid, sabi ni Lt. Col. Necerato Sabando, officer-in-charge of the Sipalay City Police Station.

Kinuha ng suspek, na hindi pinangalanan, ang .38 caliber revolver ng kanyang ama at binaril sa dibdib ang tatay ng tatlong beses sa dibdib.

Nasa pangangalaga na  ang bata ng Department of Social Welfare and Development sa Sipalay City.

Base sa imbestigasyon ng pulisya, minamaltrato ng biktima ang kanyang tatlong anak kapag nalalasing.

Idinagdag ng pulisya na tinuruan ni Obas ang mga anak kung paano gumamit ng baril.

Pinakabata ang suspek sa mga magkakapatid. Nagtatrabaho ang kanilang nanay sa Maynila.