PATAY ang apat na pinaghihinalaang mga carjackers matapos na makipagbarilan sa mga pulis sa Plaridel, Bulacan, Linggo ng madaling araw, ayon sa pulisya.
Sinabi ni Police Col. Chito Bersaluna, Bulacan police director, na hindi huminto ang mga suspek matapos na parahin ng mga pulis sa Barangay Bagong Silang ganap na alas-3:50 ng madaling araw.
Idinagdag ni Bersaluna na tumakas ang mga suspek sakay ng isang gray na Toyota Vios na kanila umanong ninakaw sa bayan ng Pulilan, dahilan para magsagawa ang mga pulis ng hot pursuit operation laban sa kanila.
Narekober mula sa mga suspek ang .45-caliber pistola, isang Uzi submachine gun, at dalawang .38-caliber revolver.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.