4 holdaper utas sa engkwentro sa QC | Bandera

4 holdaper utas sa engkwentro sa QC

Leifbilly Begas |October 15,2019
facebook
share this

4 holdaper utas sa engkwentro sa QC

Leifbilly Begas - October 15, 2019 - 03:48 PM

NASAWI ang apat na lalaki na nangholdap umano ng gasolinahan matapos na makipagbarilan sa mga pulis na tumutugis sa kanila sa Quezon City kaninang umaga.

Inaalam pa ng pulisya ang pangalan ng mga suspek na armado ng mga baril.

Dumating umano ang mga suspek sa Petron Gasoline station sa Payatas Rd., sakay ng mga motorsiklo.

Dalawa sa mga suspek ang agad na pumunta sa cashier na si Vanessa Epis at tinutukan ito ng baril. Ang dalawa pa ay pumunta naman sa gasoline boy na si Elmer Boduan. Kinuha ng mga suspek ang pera at cellphone.

Isang taxi driver na nakasaksi naman sa pangyayari ang agad na humingi ng tulong sa otoridad. Mayroong checkpoint sa daraanan ng mga suspek kaya agad na nasukol ang mga ito sa boundary ng Payatas at Rodriguez, Rizal.

Nakipagbarilan ang mga suspek na nagresulta sa kanilang kamatayan. Narekober sa crime scene ang apat na revolver.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending