Direktor ng The Gift pinuri si Mikee: Ang astig niyang magsulat!

MIKEE QUINTOS

Pinuri ni direk LA Madridejos ng Kapuso series na The Gift ang husay sa pagsusulat ni Mikee Quintos.
Sa tweet ng director, si-nabi niyang si Mikee ang mismong sumulat ng sasabihin niyang mensahe para kay Sep, ang character ni Alden Richards na ipinalabas na nga sa nakaraang episode.

“Trivia. Astig yung mga writers ng show. Mahusay! Pero dun sa eksena ni Amor kagabi, si Mikee ang nagsulat nung mensahe ni Amor kay Sep.

“Pinili kong gamitn yung sinulat nya kasi ramdam na ramdam ko si Amor doon. #TheGiftPagAsa,” tweet ni direk LA.

Amor ang pangalan ng character ni Mikee sa The Gift at katropa niya sa kuwento si Alden na ngayon ay nabulag na nga sa istorya matapos mabaril sa naganap na rambulan sa Divisoria.