Anak ni Pacman gagawa ng pelikula sa Hollywood

O, DI ba? Ang bongga ng anak ni Sen. Manny Pacquiao na si Jimuel dahil malaki raw ang posibilidad na maging Hollywood star ang binata.

Balitang may offer si Jimuel para gumawa ng pelikula sa Hollywood at ngayon pa lang ay excited na ang pamilya Pacquiao para sa bagong hamon na haharapin ng bagets.

Si Pacman ang noon pa ma’y kinakaibigan at hinahangaan ng ilang kilalang Hollywood celebrities gaya nina Keanu Reeves, Mark Wahlberg, Sylvester Stallone at marami pang iba, pero ayon sa business manager nitong si Arnold Vegafria, ang anak ng senador ang nakatanggap ng offer mula sa isang international producer. Ang shoot daw ay magaganap sa Manila, Japan at US.

Nakabakasyon sa school ang anak ni Pacman at busy ito sa training niya sa boxing. Kaya let’s see kung tatanggapin ba ito ni Jimuel. At kapag nangyari ito, tatalbugan niya ang lahat ng mga sikat na Filipino artists na matagal nang nangangarap maka-penetrate sa Hollywood pero hanggang ngayon ay nganga pa rin.