Maine nakipagkabugan ng akting kay Carlo, prod staff napanganga
CARLO AQUINO AT MAINE MENDOZA
Aba, hindi nagpadaig si Maine Mendoza kay Carlo Aquino pagdating sa dramatic scenes nila sa pelikulang “Isa Pa With Feelings.”
Siyempre, nahasa sa comedy si Meng pero ibinuhos niya ang husay sa drama sa pelikulang ito ng Black Sheep. Napanganga tuloy ang staff ng production nang makita nila kung paano magpatulo ng luha ang Phenomenal Star, huh!
Eh, hindi rin kasi pangkaraniwang kuwento ang “Isa Pa With Feelings” kaya siguro nakahugot nang husto si Maine plus the fact na sumailalim din sila ni Carlo sa acting workshop bago sila mag-start ng shooting.
Nakakabilib din siyempre ang husay ni Carlo kaya naman ‘yung fans ni Maine eh, handang-handa nang paingayin ang movie sa social media dahil October na ang playdate nito.
Nauna na naming naibalita rito na may mga naka-schedule nang block screenings ang mga fans nina Maine at Carlo para sa pelikula this early kaya let’s see kung magiging blockbuster din ito.
We believe na kapag maganda talaga ang pelikula at maraming makaka-relate siguradong hindi ito papalya sa takilya. Kaya let’s see kung ano ang bagong ihahain ng tambalang CarMaine sa publiko.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.