Anniv Concert ng MayWard sa NFT tuloy na tuloy na

MAYMAY ENTRATA AT EDWARD BARBER

TULOY na tuloy na ang first major concert nina Maymay Entrata at Edward Barber ngayong September.

Ito’y magaganap sa Sept. 27 sa New Frontier Theater sa Cubao, Quezon City. Ngayon pa lang ay super excited na ang fans ng MayWard dahil ito nga ang magsisilbing bonggang selebrasyon para 3rd anniversary ng magka-loveteam.

Ang concert na ito ay magsisilbi ring pasasalamat nina Maymay at Edward sa lahat ng natatanggap nilang blessings na kanila namang inaalay sa mga fans na patuloy na sumusuporta at nagtitiwala sa kanila.

Samantala, para naman sa lahat ng Pinoy fans ng Korean superstar na si Jung Hae In, kumpirmado na ang muli niyang pagbisita sa bansa ngayong Setyembre para sa isang fan meet event.

Titled “Jung Hae In One Summer Night”, gaganapin din ito sa New Frontier Theater sa darating na Sept. 28. Si Jung Hae In ay sumikat sa 2018 drama, Something in the Rain.

Napanood din siya sa mga seryeng Bride of the Century, While You Were Sleeping at Prison Playbook. At ang latest nga niyang K-drama ay ang romcom na One Spring Night.

In fairness, ang New Frontier Theater na ang nagiging official home ng mga kilalang Korean stars at K-Pop group. Ilan sa mga ginanap na events sa NFT ay ang “EXO Happy Fiesta”; Korean actor Seo Kang Joon’s first Philippine fan meet, and Bae Jin-Young’s first Asia Fan Meet; BoyzAsia Fan-Con; Nam Joo Hyuk’s “Private Stage (Close-Up)”; at JBJ “Come True” first Manila fan meet.

Bukod sa MayWard concert at fan meet ni Jung Hae In, ang iba pang shows na dapat abangan sa NFT ay ang mga sumusunod: GFriend Asia Tour “Go Go GFriend” (Aug. 25); South Korean rap/rock band NFlying “Up All Night” (Sept. 1); Mike Shinoda “Post Traumatic Tour” (Sept. 6); The Maine Tour “You Are OK” (Sept. 14); at Jay Park “Sexy 4Eva in Asia” World Tour (Sept. 22).

Tickets to these shows are available on Ticketnet.com.ph.