Solenn Heussaff buntis na; Nico Bolzico may promise kay misis
FINALLY, buntis na ang Kapuso actress na si Solenn Heussaff sa first baby nila ni Nico Bolzico.
In fairness, kahit sa pregnancy announcement ay naging creative and funny pa rin ang mag-asawa na ikinatuwa ng kanilang mga supporters and social media followers.
Sa kanilang respective Instagram accounts, nag-post sina Nico at Solenn ng kanilang litrato gamit ang hashtag na “#BabyBolz.” Sa IG photo ni Solenn makikita siya na nakasuot ng golden gown habang si Nico naman na naka-formal attire rin ay tila sumusuka sa toilet bowl na may caption na, “@nicobolzico we’re in this together. #BabyBolz! @jatadena.”
Sa IG naman ni Nico, makikita ang pagpapalit nila ng damit ng asawa – siya naman ang nakasuot ng gown habang naka-suit naman si Soleen at nasa harapan ng inidoro. Ito’y may caption na, “Yes @solenn, we are in this together bebu! #BabyBolz. @jatadena.”
Bumaha naman ang congratulatory messages sa IG accounts ng mag-asawa. Ilan sa mga celebrities na bumati sa kanila ay kanyang mga kaibigan na sina Isabelle Daza, Georgina Wilson, Ina Raymundo, Gwen Zamora, Nar Cabico, Yassi Pressman, Judy Ann Santos, Heart Evangelista, Lovi Poe, Dingdong Dantes, KC Concepcion at marami pang iba.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.