ARESTADO ang isang model-actor at kasama niyang babae nang makuhaan ng P457,000 halaga ng iligal na droga sa buy-bust operation sa Taguig City, Martes ng umaga.
Nadakip sina Aaron Cruz, naging model-actor at product endorser sa pamamagitan ng isang talent search sa telebisyon, at kasamang si Geraldine Vitto, 22, ayon kay Philippine Drug Enforcement Agency chief Aaron Aquino.
Isinagawa ng PDEA Special Enforcement Service ang operasyon sa panulukan ng 38th ave. at 36th st., Brgy. Fort Bonifacio, dakong alas-5:30.
Nakuhaan ang mga suspek ng 84 ecstacy tablets at powdered ecstacy na nagkakahalagang P301,000, pitong botelya na may P84,000 halaga ng hinihinalang liquid ecstacy, at aabot sa 8 gramo o P72,000 halaga ng cocaine.
Nakumpiska din sa mga suspek ang itim na storage box, dalawang cellphone, isang kotse, at ang buy-bust money.
Hinahandaan na ang mga suspek ng kasong paglabag sa Comprehensive Dangerous Drugs Law.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.