Ex-Hashtag member mas malaki ang TF sa GMA 7
JON LUCAS
MASAYANG ibinalita sa amin ni Tita Becky Aguila na pumirma na ng kontrata ang bago niyang alagang si Jon Lucas kahapon sa GMA 7.
Ito’y para sa isang taong kontrata sa Kapuso Network at ang unang proyekto ng dating member ng Hashtags ay ang Pinoy version ng Koreanovelang Descendants of the Sun bukod pa sa mga TV guestings.
Hindi binanggit ng manager ni Jon kung ano ang role nito sa DOTS dahil malalaman pa lang nila ito sa gaganaping story conference isa sa mga araw na ito.
Kasama ni Jon sa pagpirma ng kontrata sa GMA Artist Center ang handler niyang si Katrina Aguila, over all head ng Artist Center na si Gigi Santiago-Lara at business unit head na si Daryl Zamora (under niya ang aktor).
Nag-post naman si Jon sa kanyang Instagram pagkatapos ng pirmahan, “Grateful and Blessed!
SALAMAT PO AMA!!! Hi Friends I’m now a KAPUSO! GMA, From the bottom of my heart. THANK YOU SO SO SO MUCH! Promise, hindi ko po kayo bibiguin sa binigay niyo sa aking pagkakataon.
“Thank you also to my New Management, Becky Aguila Artist Management and GMA ARTIST CENTER! @becky_aguila@katrina_aguila @jkenriquez Tita Gigi, Sir Daryl, Ate Dianne!
“Salamat sa Tiwala at Pagpapalakas ng loob! Kayo ang kinasangkapan ng Diyos para ituloy ko ang pagtupad sa pangarap ko. Salamat Mama @_regicruz_ Sa aking kasuotan! Let’s now focus on the outcome, not the obstacle. #KAPUSONASIJON.”
Anyway, nabanggit din ni Tita Becky sa amin na sasailalim si Jon sa matinding immersion para sa una niyang proyekto sa GMA, “Magte-training siya sa military, Regs kasi nga tungkol sa mga sundalo ang Descendants of the Sun.”
Na-curious kami kung anong magandang karakter ang ibibigay kay Jon kaya’t tsinek namin ang synopsis ng Descendants of the Sun. Siya kaya ang magbibigay-buhay sa karakter ni Wolf ang master sergeant na kaibigan ni Big Boss?
Anyway, anuman ang karakter ni Jon sa nasabing serye ay masaya kami para sa kanya dahil finally maipakikita na niya ang kanyang talent sa pag-arte bukod sa pagsasayaw bilang dating miyembro ng Hashtag. At higit sa lahat, tumaas na ang talent fee niya.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.