Korean Superstar Park Bo Gum umaming inatake ng nerbiyos sa pagbabalik ng Pinas

PARK BO GUM

MARAMING pinabilib na taga-media at Pinoy supporters ang Korean superstar na si Park Bo Gum sa ginanap na presscon para sa kanyang 2019 Asia Tour na “May Every Day Be A Good” .

Ang husay kasing magsalita ng English ng Koreanong aktor kaya hindi nahirapan ang lahat ng nagtanong na press.

At dahil on time nagsimula ang mediacon ay ngayon lang kami naka-witness ng question and answer portion na tumagal lang ng 15 minutes at kasama na riyan ang photo op with ABS-CBN Events executives at ilang taga-Ovation Productions na siyang producer ng event.

Kapartner naman nila sa tour ni Park Bo Gum ang talent management agency nito sa Korea na Blossom Entertainment.

Cute na cute ang lahat kay Bo Gum dahil hindi man lang nawala ang ngiti niya simula nang magsimula ang presscon hanggang sa matapos.

Sabi ng binata, “I’ve really want to come here, I’m so nervous, I really want to come here. I’m really honored to be here.”

Hindi na bago sa Korean actor ang bansang Pilipinas, “I’ve been here twice before, first was when I was acting in the drama Wonderful Mama.

“The second time was the reward vacation after the drama Love in the Moonlight. The Philippines is where I did snorkeling the very first time here that remains in my memory,” kuwento pa ng binata.

Marami nang karakter ang nagawa ni Park Bo Gum kaya natanong siya kung ano pa ang gusto niyang gampanan sa mga future projects niya.

“I have to try new roles and performance,”maikling sagot nito.
Nagkuwento rin siya tungkol sa bagong movie project kasama sina Gong Yoo at Jong Woo Jin, ang “Seo Bok.”

“It’s an interesting story, the movie title is ‘Seo Bok,’ I play a human clone, who has the secret to eternal love. I’m just happy to work with amazing actors, Gong Yoo sunbaenim, Jong Woo Jin sunbaenim, the actors I admire. It’s a really good movie so please watch it,” paanyaya pa niya sa Pinoy audience.

At sa tanong kung ano ang pinakapaborito niyang karakter na ginampanan, “All the characters remain in my memory because all of the characters in dramas are so precious to me. Every character I played has something in common with me. Also there a lot of things I wanted to learn emulate in those characters.”

Samantala, excited daw si Park Bo Gum para sa meet and greet with the fans na ginanap kahapon, Sabado, sa Mall of Asia Arena.

“I haven’t meet my fans yet, but I am so grateful for their support and love. Thank you so much. Thank you for your support, and love, and blessings. Let’s have fun tomorrow and let’s have a good memory together. Bless you,” pahayag pa ng Korean superstar.

Samantala, bago pa ginanap kahapon ang meet and greet para sa Korean actor, namigay na ang TV host-actress na si Anne Curtis ng libreng tickets para sa event.

Limang masusuwerteng Pinoy fans ang napili niya para ma-meet nang personal si Park Bo Gum sa muling pagdalaw niya rito.

Si Anne ang nagsilbing host ng fan meet ng Korean star at ang pamimigay niya ng ticket ay sa pamamagitan na rin ng kanyang Dream Machine Philippines project.