Dingdong umamin: Hindi madali ang ginagawa namin sa ‘Amazing Earth’
DINGDONG DANTES
Ipagdiriwang ng top-rating GMA infotainment program na Amazing Earth ang unang anibersaryo nito sa pamamagitan ng isang month-long special simula sa Linggo, Hunyo 23.
Lubos ang pasasalamat ng award-winning actor, TV host, at Kapuso Primetime King na si Dingdong Dantes sa mga oportunidad at kaalaman na ibinahagi sa kanya ng Amazing Earth sa nakalipas na isang taon.
“Every week, I get to explore beautiful places in our country, and most of them are definitely not easy to get to. We cross islands, climb mountains, hike forests, and walk through sand dunes and grasslands— quite challenging —but I definitely embrace them just to deliver amazing stories about humanity, animals, our beautiful planet earth, and how all of these should co-exist with one another,” ani ni Dingdong.
Para sa anniversary special, ipakikita ni Dingdong ang mga natatanging kuwento mula sa BBC nature documentary na “The Hunt.”
Bibisitahin din ng Kapuso actor nakabibighaning isla ng Palawan upang tuklasin ang natitirang ecological frontier ng bansa.
Napapanood pa rin ang Amazing Earth tuwing Linggo after 24 Oras Weekend sa GMA Sunday Grande.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.