Congrats: Ryzza Mae graduate na sa elementary
RYZZA MAE DIZON
Sa kabila ng kanyang busy schedule sa showbiz, talagang kinakarir pa rin ni Ryzza Mae Dizon ang pag-aaral. At dahil sa kanyang pagsisipag at dedikasyon, ga-graduate na ang Kapuso teen star sa elementary (Eton International School).
Nag-post ang Eat Bulaga Dabarkads ng snapshots mula sa kanyang graduation pictorial sa Instagram na pinusuan ng kanyang followers at ng mga kasamahan sa showbiz, kabilang na ang kanyang mga kasamahan sa EB.
“Ayus ah! Congratulations!” comment ni Ryan Agoncillo.
“Congrats!! Proud of you,” ang sey naman ni Asia’s Next Top Model season 5 winner Maureen Wroblewitz.
“Congratulations dear,” bati naman ni Rachelle Ann Go.
In fairness, malayu-layo na rin ang naratin ni Ryzza mula nang manalo siya noong 2012 sa Little Miss Philippines ng Bulaga. Ngayong June, ise-celebrate na niya ang kanyang 14th birthday.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.