Dagdag sahod hindi pa rin nakukuha ng mga guro

HINDI pa umano natatanggap ng lahat ng guro sa pampublikong paaralan ang dagdag sa sahod mula sa fourth tranche ng Salary Standardization law.

Ayon sa Alliance of Concerned Teachers nagrereklamo ang mga guro mula sa Region III, IV-B, V, X at XII dahil wala pa ang umento sa sahod kahit pirmado na ni Pangulong Duterte ang 2019 national budget.

Noong Marso 20 ay inilabas ng Malacanang ang Executive Order 76 upang mailabas na ang umento sa sahod kahit hindi pa pirmado ang budget. Pero lumabas na umano ang sahod para sa buwan ng Abril pero hindi kasama rito ang umento.

“We cannot understand this prolonged and unnecessary delay on the release of the much-needed, though measly, salary adjustment for teachers. By now, our attention should be on the fulfillment of Pres. Duterte’s promised substantial pay hike but instead we are being compelled to press them to release what is long overdue,” ani ACT

National Chairperson Joselyn Martinez.

Sinabi ni Martinez na mahalaga para sa maraming guro ang dagdag kahit na maliit lamang ito dahil sa patuloy na pagtaas ng presyo ng mga bilihin.