NASAWI ang isang driver at sugatan ang kanyang pahinante nang maaksidente ang dala nilang trailer truck sa Atimonan, Quezon, Martes ng gabi.
Dinala sa ospital ang dalawa matapos mahugot sa pagkakaipit sa trak, ngunit di na umabot nang buhay ang driver na si Ariel Inocencio, 36, ayon sa ulat ng Quezon provincial police.
Nilulunasan pa ang pahinanteng si Esen Lingos, 23, dahil sa pinsalang tinamo sa iba-ibangbahagi ng katawan.
Naganap ang insidente dakong alas-7:20, sa bahagi ng New Diversion Road na nasa Brgy. Malinao Ilaya.
Minamaneho ni Inocencio ang trak, na may kargang sari-saring hardware supply, sa isang pababang kurbada nang bigla umanong mawalan ng kontrol sa manibela.
Dahil doo’y lumipat sa kabilang lane ang trak, nagtuluy-tuloy sa road shoulder, at kumalas ang trailer.
Bumaligtad naman ang tractor head nang masalpok ang gilid ng isang burol.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.