Mommy Min proud na proud kay Kath: Nakakaiyak sa tuwa

NAG-POST ng emotional message si Mommy Min Bernardo matapos gawaran ang “The Hows Of Us” nina Kathryn Bernardo at Daniel Padilla ng Camera Obscura award sa 3rd FDCP Ambassador’s Night bilang highest grossing film of all time.

Hindi naitago ng nanay ni Kathryn ang labis na kasiyahan sa bagong achievement na nakuha ng anak pati na rin ni Daniel. Ayon kay Mommy Min super proud siya kay Kathryn at sa lahat ng taong nasa likod ng “THOU”.

Narito ang buong IG post ni Mommy Min: “Sobra sobrang proud ako sa inyo. Nakakaiyak sa tuwa, sobrang ligaya ng puso ko…God gave is more than what most of us have prayed for. The Hows Of Us is truly a miracle that came in the most unexpected way.

“Maraming salamat at napabilang tayo sa isang napakagandang pelikula na tumatak sa puso ng bawat isa. Sa Film Devt Council of the Phil @fdcpofficial maraming salamat po sa parangal na iginawad nyo. CONGRATULATIONS!”