Vice kina Boobay at Tekla: Lahat kami gusto lang magpasaya ng tao!
VICE GANDA
“WE have a free world. Welcome naman ang lahat.” Yan ang ipinaabot sa aming sagot ni Vice Ganda sa tapatan ng Gandang Gabi Vice at ng comedy program nina Super Tekla at Boobay tuwing Linggo ng gabi.
Ayon sa aming source, hindi naman iniinda ni Vice ang panggagatong ng ilang taong gusto silang pag-awayin o gawan sila ng isyu ng matatawag na mga kapatid niya sa comedy bar community.
Sey daw ni Vice, “Lahat naman ng may talent at gustong magpasaya ng tao ay welcome sa ganitong larangan. I know they have their own audience and meron naman ako. Free choice is there!”
Well, nu’ng huli naming makatsika sina Tekla at Boobay, ipinaabot nila ang kanilang pagrespeto kay Vice at pagkilala sa naibigay nitong oportunidad sa mga tulad nilang komedyante, lalo na sa mundo ng telebisyon at pelikula.
“Makapagbigay ng saya at inspirasyon, yan naman ang goal namin at hindi kalabanin o patumbahin siya,” ang nagkakaisang paliwanag ng dalawang Kapuso comedian sa bago nilang proyekto sa GMA, ito ngang The Boobay And Tekla Show.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.