Heart sa basher: Wala akong tinatapakan…I am who I am

LIBANGAN pa rin ni Heart Evangelista ang pagdu-drawing kahit nasa China.

Sa isa niyang post sa Instagram, aso ang naging inspirasyon niya sa kanyang latest drawing particularly ng kanyang mga aspin (asong Pinoy).

Dagdag pa ng Kapuso Sweetheart, ilalagay ang drawing niyang Aspin (Peppa ang tawag niya), sa collaboration niya with Kamiseta clothing.

Sa totoo lang, tikom pa rin ang bibig ni Mrs. Chiz Escudero kung ano ang ginagawa niya sa China kahit kalat na ang balitang nagsu-shooting siya roon para sa sequel ng Hollywood movie na “Crazy Rich Asians.”

Pero nakakatikim pa rin siya ng bashing gaya ng isang netizen (@yoko mccartney) na walang sinabing maganda about her. Pero sa halip na patulan, blocked na lang siya agad.

“Honestly real people would inspire and influence you to do better in the society and never bash you and attack you.

“I will never be perfect and I will never try to be the person ‘they’ want me to be. I am who I am and as long as I don’t step on anyone and try my best to do good in my own little corner of this world then I am fine. Hayaan na natin siya,” reply ni Heart sa isang follower na kakampi niya.

Nang i-check namin ang accout ng netizen, naka-private na ‘yon, huh!