Viral na to: Onay, Boyet, Kara Mia ginagaya ng mga estudyante

TALAGANG  inaabangan ngayon ng televiewers ang mga GMA teleserye lalo na ang Onanay, My Special Tatay, pati na ang upcoming series na Kara Mia.

Bukod kasi sa tinututukan na ito ng mga manonood, ginagaya rin ito ng mga netizens kaya laging nasa top trending topic sa Twitter gabi-gabi.

Ilang estudyante na ang gumaya sa ilang mga eksena at galaw ng mga sikat na karakter sa mga nabanggit na GMA series kabang na sina Boyet ng My Special Tatay, Onay ng Onanay at ang kambal na sina Kara at Mia ng Kara Mia.

Sa video, mapapanood ang panggagaya ng mga estudyante sa pagmamakaawa ni Onay (Jo Berry) kay Rosemarie/Natalie (Kate Valdez) na bumalik na siya, pero biglang pumasok si Boyet (Ken Chan) upang pigilan ang mag-ina na mag-away.

Sunod namang pumasok sa video ang isang tao na nakasuot ng jacket at maya-maya pa ay ipinakita ang isa pang mukha niya sa likod na tulad ng magkapatid na Kara (Barbie Forteza) at Mia (Mika dela Cruz) sa pinag-uusapan nang Kara Mia.

Agad itong nakalikom ng atensyon ng ilang netizens at ni-repost sa kanilang mga social media accounts.

Aba, alam n’yo bang sa kasalukuyan ay mayroon ng almost 4 million views ang nasabing video?!

Samantala, talagang agaw-atensyon ang Kara Mia nina Barbie at Mika sa social media. Bukod sa kumakalat na iba’t ibang memes patungkol sa serye, ang teaser naman nito ngayon ang nagte-trending.

Matapos itong i-upload sa Facebook nitong weekend, nakakuha na agad ito ng 1 million views! Talagang inaabangan at naiintriga ang netizens at viewers sa magiging takbo ng kwento ng KM kaya naman ngayon pa lang, napakainit na ng kanilang pagtanggap sa serye na malapit nang mapanood sa GMA.