Horror movie ni Sharon kapalit ng napurnadang ‘Darna’ ni Erik Matti

BUMIGAY na ang katawan ni Megastar Sharon Cuneta matapos ang sunud-sunod na pagratsada sa trabaho.

Hindi pa kasi siya nakakabawi ng pahinga after ng movie nila ni Richard Gomez and Kathryn Bernardo, sumabak na ulit siya sa shooting ng bago niyang pelikula directed by Erik Matti under Reality Entertainment.

Sakto naman na nakausap namin ang co-producer ni Direk Erik sa Reality Entertainment na si Dondon Monteverde at kinumpirma nga niya ang tsika sa amin ni Mega after ng premiere night ng “Three Words To Forever” na may gagawin siyang movie under Reality.

In fact, naka-three shooting days na raw sila sa Baguio para sa latest project nila na pinagbibidahan ni Mega. First time ni Sharon na gumawa ng horror film.

When we asked Dondon kung sino ang leading man ni Sharon at ang iba pang artistang kasama ni Mega sa pelikula, secret pa raw muna. At least, napurnada man ang “Darna” project nila na pagbibidahan ni Liza Soberano, Megastar naman ang naging kapalit nito.

And speaking of Mega, ang ganda ng ginawang pa-tribute sa kanya ng ABS-CBN during the “Family Is Love: The 2018 Christmas Concert” na ipinalabas last Dec. 15 and 16. Nag-join forces ang mga sikat na Kapamilya loveteams as they performed Sharon’s hit songs.

Sina Carlo Aquino at Angelica Panganiban ang unang lumabas sa stage ng Aranerta Coliseum at inawit ang “Kahit Konting Pagtingin.” Sumunod sina Charles Kieron, Vivoree Esclito, Donny Pangilinan and Kisses Delavin with “Mister DJ.”

Kinanta naman nina Edward Barber, Maymay Entrata, Loisa Andalio and Ronnie Alonte ang “PS I Love You” na siya ring title ng unang movie nina Sharon at Gabby Concepcion. Kinanta naman nina McCoy de Leon, Elisse Joson, Iñigo Pascual, Maris Racal, Joshua Garcia and Julia Barretto ang “Tawag Ng Pagibig’ at “Cross My Heart.”

Dumagundong naman sa loob ng Big Dome sa lakas ng sigawan at hiyawan ng fans sa pagsasama-sama nina James Reid, Nadine Lustre, Enrique Gil, Liza Soberano, Kathryn Bernardo and Daniel Padilla.

Kinanta nila ang “To Love Again,” “Dear Heart” at “Maging Sino Ka Man.”