Maine kumasa sa ‘Christmas In Our Hearts’ dance challenge; Dabarkads nakihataw din
MAINE MENDOZA
KUMASA si Maine Mendoza sa “Christmas In Our Hearts” Challenge kasama ang vlogger-dancer na si Kyo Quijano. Ipinost ng Universal Records ang ilang bahagi ng video sa Twitter.
Pinanood namin sa YouTube channel ni Kyo ang paggawa ng nasabing video. Tila nasa pictorial si Meng ng festival movie niya with Vic Sotto and Coco Martin at chika-chika muna si Kyo bago lumabas si Meng.
Feeling-Alden Richards si Kyo nang lumabas si Maine dahil sa background music na “God Gave Me You.”
Upbeat ang tune ng Christmas song ni Jose Mari Chan kaya nang simulan na ang challenge, hayun at nakipagsabayan na sa paghataw ang Phenomenal Star sa kilalang vlogger.
Take note, parang walang buto ang katawan ni Meng dahil kayang-kaya niyang baliin ang iba’t ibang parte ng katawan. Para siyang Lastik Girl sa lambot ng katawan.
Ang isa pang bongga sa video, sinamahan ng Eat Bulaga Dabarkads ng pagpapakuwela ang sayaw na sobrang nakakatawa at nakakaaliw kaya naman nagsilbi rin itong pampa-good vibes ng mga netizens, huh!
Bukod kina Meng at Kyo, naki-join din sina Ryzza Mae Dizon at Baeby Baste sa dance challenge.
Samantala, next year na ang release ng debut album ni Maine under Universal Records.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.