NAGPATALBUGAN ng kaseksihan at kakinisan sina Kris Bernal at Thea Tolentino sa GMA afternoon series na Asawa Ko, Karibal Ko.
Tinutukan ng mga kalalakihan at katomboyan ang episode kahapon kung saan nagtarayan na naman sina Rachel (Kris) at Venus (Thea) suot ang kanilang mga kabogerang swimsuit.
In fairness, wala kang itulak-kabigin sa dalawang Kapuso actress, siguradong naglaway ang mga guys sa kanilang kaseksihan, lalo na si Thea na for the first time yata ay nagbilad ng katawan on national TV.
Sa pagpapatuloy ng kuwento, hindi umubra ang plano ni Venus na akitin si Gavin (Rayver Cruz) at mas lalo pa siyang nabwisit nang maghalikan ang dalawa sa harap ng maraming tao. Kaya ang banta ni Venus, humanda si Rachel sa susunod niyang pasabog. Napapanood pa rin ang Asawa Ko, Karibal Ko sa GMA Afternoon Prime after Eat Bulaga.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.