Chika

BUKAS na ng gabi, Nov. 21 ay birthday concert ni Queen Mother Karla Estrada na may titulong “I Am Karla Estrada: The Music Within” na mapapanood sa OneMusic.ph. Magiging special guest dito ni Karla ang mga anak na sina JC Padilla at Daniel Padilla. Birthday gift ito ni Queen Mother para sa kanyang mga tagahanga na mapapanood lang on-line dahil ito ay nasa digital platform. After this digital concert ay isang simpleng birthday celebration din ang magaganap sa mismong bahay nila sa Commonwealth Avenue. Ayon kay Karla, wala siyang ibang wish sa kanyang 44th birthday kundi ang patuloy na pagbuhos ng biyaya at magandang kalusugan sa kanyang buong pamilya at mga kaibigan. Sa nagdaang taon diumano ay buhos-buhos ang biyayang dumating sa kanilang pamilya kaya naman lubos-lubos naman ang kanyang pasasalamat sa Panginoon lalo na sa mga taong patuloy na nagmamahal at patuloy na sumusuporta sa kanya, pati na rin sa anak na si Daniel Padilla. Naging maganda diumano ang kanilang buhay dahil sa mga taong umalalay sa kanila. Samantala, sa espesyal na episode ng Magandang Buhay  sa Huwebes, Nov. 22, mapapanood ang birthday special ni Karla na pinaghandaan mismo ng buong production ng morning show ng ABS-CBN bilang sorpresa sa kanya.