Kalat na: ASAP magre-reformat dahil kay Regine, ilang singer matatanggal | Bandera

Kalat na: ASAP magre-reformat dahil kay Regine, ilang singer matatanggal

Cristy Fermin |November 03,2018
facebook
share this

Kalat na: ASAP magre-reformat dahil kay Regine, ilang singer matatanggal

Cristy Fermin - November 03, 2018 - 12:30 AM

REGINE VELASQUEZ

Balitang magre-reformat ang ASAP dahil sa paglipat ni Regine Velasquez sa ABS-CBN. May kuwento pang lumabas na maraming regular singers ng musical variety show ang mawawala.

Natural, nabulabog ang mga tagahanga ng mga ito, bakit daw naman kailangan silang mahagip sa tanggalan, samantalang maraming taon na silang napapanood sa ASAP.

Marami tuloy nagdududa na dahil kaya ‘yun sa bagsak na rating ng show nu’ng unang pagge-guest ni Regine? Tinalo sila ng katapat na show, samantalang ang inaasahan ng mas nakararami ay makatutulong si Regine sa rating ng ASAP, na hindi nga nangyari.

Ang pagre-reformat ay natural lang naman lalo na kung ilang taon nang puro ganu’n lang ang naihahain nila sa kanilang mga tagapanood. Ginagawa ‘yun ng lahat ng programa kung kinakailangan na talaga.

Ngayong nasa Dos na si Regine, maaasahang magkakaroon sila ng iba-ibang segments na bago sa mata ng manonood, kailangan nilang gawin ‘yun pero hindi naman nangangahulugang may mga masasagasaan sa kanilang reformat.

Ang dapat lang maalarma sa ganu’ng pagbabago ay ang mga singers na puwede namang isakripisyo dahil hindi sila kagalingan.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending