2018 Bb. Pilipinas Intercontinental engaged na sa dyowang Australian
AKARI MAEDA, VERONICA VALLEJO AT KAREN GALLMAN
ENGAGED na pala si Bb. Pilipinas-Intercontinental 2018 Karen Gallman sa kanyang Australian boyfriend na si Ian Garton.
Pero nilinaw niya agad na wala pang magaganap na wedding anytime soon.
Sa nakaraang presscon ng 47th Miss Intercontinental, sinabi ni Karen na naka-focus ang atensyon niya ngayon sa preparasyon at training para sa paglaban niya sa pageant sa January, 2019. Very supportive naman daw ang boyfriend niya sa kanyang career.
Chika pa ng dalaga, manalo man o matalo sa pageant hindi pa sila magpapakasal ni Ian. Sa kanyang Instagram account, ibinandera ni Karen kung paano nag-propose ang kanyang BF after five years of being together.
“We got engaged last June, but we have not planned anything pa. We have not organized the wedding, wala pa. My focus is really on the pageant. Actually, he’s very supportive, pumunta siya rito when I joined Binibini. And pupunta uli siya sa January for the pageant kasama ang family niya,” kuwento ni Karen nang makachikahan namin sa presscon ng Miss Intercontinental.
Of course, grabe rin ang pressure na napi-feel niya sa pag-represent sa bansa sa Miss Intercontinental, “The pressure is there because lagi tayong runner up sa Miss Intercontinental. Wala pang Pinay na nanalo sa nasabing international pageant.
“Basta I promise that I will do my best, I don’t wanna expect anything, gusto ko lang mag-enjoy but I am training talaga, gagawin natin lahat,” sey ng dalaga.
Sa mga kumukuwestyon naman sa kanyang nationality, proud Pinay daw si Karen kahit na lumaki siya sa Brisbane, Australia, “Kung Filipina ka, kung may lahi kang Filipina, Filipina kang talaga. To be honest, I’m half. I was born and raised in Bohol.
“Marunong akong mag-Bisaya, mag-Tagalog. Isn’t that Filipino na Filipino? Yes, I have Australian blood but my heart and my roots is Filipino,” aniya pa.
Japan ang host country ng 47th Miss Intercontinental pero sa Mall of Asia Arena ito magaganap sa Jan. 26, 2019.
Ipinaliwanag ni Miss Intercontinental-Japan CEO Joanna Gimena Miyamae na wala nang available venue sa Tokyo, Japan dahil sa magaganap na Olympic Games na naka-schedule sa July 24, 2020 hanggang Aug. 9, 2020.
“We did have a very difficult time finding a venue. The reason why there’s a trouble with the venue is because in two years, the Olympic Games will be held in Tokyo and in Japan. They’re very advanced and organized,” paliwanag niya.
Bukod sa ating bet na si Karen, kasama niyang humarap sa media recently sina Miss Intercontinental-Germany CEO Detlef Tursies, Miss Intercontinental 2017 Veronica Salas Vallejo, Miss Intercontinental-Japan 2017 Kumi Miyamae at Miss Intercontinental-Japan 2018 Akari Maeda.
Inaasahang magdaratingan ang 85 official candidates (pang-86 si Karen) ng 47th Miss Intercontinental sa unang linggo ng January, 2019.
Ayon naman kay Kumi Miyamae hindi magiging isyu ang pagkakapili sa Pilipinas bilang venue ng pageant at sa paglaban ni Karen sa pageant, “I just wanna clarify that the host country is still Miss Intercontinental-Japan.
“And we are staging it here, so actually, you have nothing to worry about,” chika ni Kumi na may Filipino blood din pala dahil Pinay ang kanyang nanay.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.