Jackpot sa Ultra Lotto 6/58 aabot na sa P1B bukas
INAASAHANG aabot na sa P1 bilyon ang jackpot prize ng Ultra Lotto 6/58 bukas (Martes), ang pinakamalaking jackpot prize sa kasaysayan ng lotto sa bansa.
Sinabi ng Philippine Charity Sweepstakes Office walang tumama sa winning number combination na 45-21-02-30-07-10 sa bola Linggo ng gabi.
Noong Linggo, umabot sa P954.5 milyon ang jackpot prize sa naturang bola.
Kulang ng isang numero ang 273 mananaya kaya ang tinamaan nila ay 46,890 bawat isa.
Nanalo naman ng P680 ang 14,949 mananaya na nakaapat na numero at tig-P20 ang 260,139 mananaya na nakatatlong numero.
Noon pang Pebrero 18 walang tumatama ng jackpot prize ng Ultra Lotto. Binobola ito tuwing Martes, Biyernes at Linggo.
Nobyembre 29, 2010 ng tamaan ang pinakamalaking jackpot prize ng Ultra Lotto na nagkakahalaga ng P741.1 milyon.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.