Gil Cuerva kapalit ni Rhian Ramos sa Taste Buddies
GIL CUERVA
Simula ngayong Sabado, may bagong adventure na kahaharapin si Kapuso heartthrob Gil Cuerva bilang bagong co-host ni Solenn Heussaff sa lifestyle show ng GMA News TV na Taste Buddies.
Isang self-confessed foodie at travel enthusiast si Gil kaya naman tiyak na kakaibang saya ang dala niya bilang first-ever male co-host ng programa. Bawat linggo, sabay susubukan nina Solenn at Gil ang iba’t ibang fun activities at masasarap na pagkain bilang pagsunod na rin sa tagline ng show na “Basta masarap, Go!”
“I’m sure having Gil in the show will really be fun. He will bring a new dynamic since he is a guy and I cannot wait for our adventures together. It will be an interesting mix and viewers should watch out for it,” ayon kay Solenn.
Sa una niyang pagsabak bilang bagong Taste Buddies co-host, dadalhin ni Gil si Solenn sa Sabor Bar de Vinos sa Novotel Araneta. Fine dining experience ang ipatitikim ng dalawa sa viewers.
Chance na rin ito ni Solenn na mas lalo pang kilalanin ang bago niyang co-host sa pamamagitan ng isang masayang Q & A. Makaya kaya ni Gil ang mga tanong ni Solenn? Napapanood ang Taste Buddies tuwing Sabado, 8:45 p.m. sa GMA News TV.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.