1 patay matapos araruhin ng isang bus ang passenger loading bay sa EDSA
ISA ang patay, samantalang 12 iba pa ang sugatan matapos araruhin ng isang bus ang isang loading bay sa kahabaan ng northbound section ng EDSA ngayong hapon.
Batay sa ulat mula sa Metropolitan Manila Development Authority (MMDA), binabagtas ng Mayamy Bus (TXW-376) ang Edsa mula Pasay nang bumangga sa loading bay malapit sa Buendia station ng Metro Rail Transit line 3 ganap na ala-1:32 ng hapon.
Hindi pa nakuha ang pangalan ng nasawi, bagamat sinabi ng mga otoridad na ito ang konduktor ng bus at dead on arrival sa isang ospital.
Dinala naman ang mga sugatang pasahero sa St. Luke’s Medical Center sa Bonifacio Global City para magamot.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.