Dingdong mas piniling alagaan si Marian kesa sa politika
BY June (hopefully) may kapatid na ang panganay na anak nina Dingdong Dantes at Marian Rivera na si Zia. Nang malamang buntis uli, ibinandera agad ni Yan sa kanyang Instagram account ang sonogram ng second baby nila ni Dong.
“My heart overflows with gratitude and humility. Dong and I, with our Zia, have been gifted with the miracle of life. Looking forward to meeting our own ‘little one’ soon,” caption ni Yan.
Umabot nga sa halos 700,000 ang likes sa post ni Yan habang ang comments ay almost 20,000, huh!
Ilan sa mga bumati sa pagiging buntis ni Marian ay sina Anne Curtis at Jessy Mendiola.
Samantala, sa official statement naman ni Dong about 2019 elections, mukhang natanggap na niya ang sign para hindi muna pumasok sa politika. Narito ang ilang bahagi ng kanyang pahayag.
“Marami ang nagtatanong kung tatakbo ako sa darating na eleksyon, at marami rin ang humihingi ng pormal na sagot.
“Ang pagkakataong maglingkod bilang Commissioner-at-Large ng National Youth Commission, at tumulong sa pamamagitan ng YesPinoy Foundation at ng YesPH Community Development, ang ilan sa mga naging inspirasyon ko upang patuloy na magsilbi sa bayan. Pero naniniwala ako na ang pagiging public servant ay isang mabigat na responsibilidad na dapat pinag-aaralan, pinaghahandaan at, higit sa lahat, ipinagdarasal.
“And in the process of my discernment, I received His response in the most surprising and beautiful way. With overflowing joy, Marian and I, are happy to share with everyone that we have been blessed with another child! Natupad na rin ang matagal ng dasal naming mag-asawa, lalung-lalo na ni Zia.
“My discernment revealed what is truly important in my life— panahon ito para suportahan ang pagdadalang-tao ng aking asawa.”
q q q
Tinutukan ng manonood ang paglabas ng mga sang’gre sa telefantasyang Victor Magtanggol ng GMA.
Nabuhay muli ang paboritong sang’gre na sina Kylie Padilla, Gabbi Garcia, Sanya Loopez at Glaiza de Castro. Kaya naman trending ito sa Twitter PH dahil na-miss nila ang costumes ng mga sang’gre na makakatulong ni Victor (Alden) sa pakikipaglaban.
Masaya rin si Alden na nakasama niya ang apat na Kapuso stars sa series niya.
Sa pagsasanib-puwersa ni Hammerman at ng mga sang’gre asahan na ang mas maaaksyong labanan sa VM!
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.