BanKo Perlas Spikers handa nang sumabak sa PVL at Vietnam tournament

MATAPOS makaabot sa final four ng Premier Volleyball League (PVL) Reinforced Conference, ay pinaghahandaan na ng BanKo Perlas Spikers ang paglahok nito sa  PVL Season 2 Open Conference na magbubukas sa Setyembre 22 at ang  Vin Lonh tournament sa Vietnam mula Setyembre 28 hanggang  Oktubre 3. Makakasagupa ng   BanKo Perlas Spikers ang tatlong  Vietnamese teams at isang koponan mula  Thailand sa Vietnam tournament. Bukod sa pagtatangkang makuha ang titulo sa Vietnam ay gagamitin ng koponan ang kanilang paglahok doon bilang ‘training’ para sa PVL kung saan target nilang magkampeon o di kaya ay makapasok man lang sa finals. “Banko Perlas Spikers is a fairly new team, as the girls have been playing together for just two years. Their exposure to Vin Lonh Volleyball tournament is a great opportunity for the ladies to further hone their skills, individually and as a squad,” sabi ni Charo Soriano, Team Manager of BanKo Perlas. “While this is an overseas competition and the teams that we will be up against are considered giants, at the end of the day, we will focus on the learning and experiences. More than winning, the team is concentrated on giving a good fight every game.”  Bago lumipad patungong Vietnam ang koponan ay makakasagupa nito ang  Iriga-Navy sa Sabado at PetroGazz sa Linggo  para sa opening weekend ng PVL Season 2 Open Conference sa Flying V Centre, San Juan City. Babalik sa bansa ang Perlas Spikers sa Oktubre  6 para ipagpatuloy ang kampanya nito sa   PVL. “We are a happy partner of the Banko Perlas Spikers. Their  skills are undeniable, but what sets them apart is their heart to reach out to fans nationwide, even to those who barely have access to their matches. This is well aligned with BanKo’s vision to make financial services more accessible to everyone,” sabi naman ni BanKo president Jerome Minglana. “As they compete on Vietnamese courts representing our country, regardless of the outcome, it will only ignite and empower the team’s loyal supporters and boost the local Volleyball further.  BanKo is equally excited to witness this exciting journey unfold.” -Frederick Nasiad