Bossing Vic, Wally, Maine may bagong pasabog, AlDub Nation ‘abangers’ na
ABANGERS na naman ang fans ni Maine Mendoza at ang AlDub Nation dahil sa inilabas na teaser photo ni Rams David, manager ni Meng, sa kanyang social media account.
Sa post ni Rams, nasa picture sina Vic Sotto, Wally Bayola at Maine na throwback ang suot na damit at black and white ang litrato. Tanging caption ni Rams, “May bago tayong susubaybayan!!! Malapit na!!! #abangan @mainedcm.”
Sa Instagram account naman ni Meng, colored na ang picture nila ni Wally na nilagyan niya ng caption na, “We are the women your parents warned you about. #babala #soon.”
Walang mention kung kasama si Alden sa bagong pasiklab na ito nina Meng, Wally at Bossing kaya todo hiling ang ADN na isama sana ang Pambansang Bae dahl miss na miss na nilang mapanood muli sa TV ang AlDub loveteam, huh!
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.