Lauren Young tinawag na ‘exorcism’ ang nakakalokang karanasan sa DFA
NA-BAD trip ang Kapuso actress na si Lauren Young nang magtungo sa Department of Foreign Affairs para sa processing ng kanyang mga dokumento.
Inis na inis ang dalaga sa naging experience niya sa DFA at inilarawan pa itong isang uri ng “exorcism”.
Sa kanyang Twitter account, ibinahagi ni Lauren ang kanyang saloobin, aniya, “Processing for documents in the Philippines makes me want to pull my hair out, scream, and have my eyes roll back. Basically an exorcism.”
Mas lalo pang napikon ang aktres nang isa sa mga staff ng nasabing ahensya ang nagsabi sa kanya na lumipat sa next window pero ganu’n din daw ang sinabi sa kanya nang tawagin na ang pangalan niya. Halos tatlong oras daw ang nasayang sa kanyang paghihintay.
“Guy in window 1 told me I have to get a document but should verify with window 2 if it’s necessary or if there’s something they can do for me. Waited in line for 3 hours to get to window 2 only to be told the exact same thing. Salamat! #DFAHorrorStories.
“2 windows accommodating 100 people in the queue. I felt so bad for the people waiting and for the people working there. Right now the question isn’t ‘what can WE do?’ But more of ‘what should THEY do?’”
“Can I have my taxes back? Lololol jk!?? #DFAHorrorStories,” sabi pa ni Lauren.
Samantala, siguradong masa-shock kayo sa huling apat na episode ng GMA Afternoon Prime series na Contessa. Humanda sa huling paghaharap ni Contessa (Glaiza de Castro) at ng mortal niyang kaaway na sina Daniella (Lauren) at Duquessa (Gabby Eigenmann).
Asahan ang mas matitindi pang pasabog sa nalalapit na pagtatapos ng Contessa. Pagkatapos pahirapan at itortyur nina Daniella at Duquessa si Contessa, sure na sure ang gagawing pagresbak ng bida-kontrabida ng serye.
In fairness, talagang napanatili ng Contessa ang high rating nito at ang pagiging trending topic sa social media.
Nito ngang mga huling episode, usap-usapan ng mga netizen ang torture scene ni Glaiza sa kamay nina Gabby at Lauren.
Kaya tutok lang sa huling apat na araw ng Contessa after Eat Bulaga sa GMA Afternoon Prime.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.